1000 Teili

Mer bestönd us tuusig Teili. Eus gets in trurig, glöcklech ond i tuusig Nuance dezwösche. Met ere perfekte Frisur & met emne Gstrubel ufem Chopf. Mit tollem Make-up & met rote Fläcke, donkle Stelle ond Narbe vo alte Pickel. Mit perfekt töönte Hoor & met Hoor wo selbrigi Strähnli vörechömid. Mit onsexy Wanderpulli & im Obigchleid. Mit verrissne Jeans & im glänzende Jumpsuit. Mit entspanntem Gsecht & met Asträngig währed em Sport. Mit 3 Kilo meh, met 3 Kilo weniger. Mit Lippestift, ohni Lippestift. Mit schmale Lippe & mit voll gschminkte Lippe. Eus gets in vorteilhafte Pose & in Schnappschuss mit Auge zueh & Doppelchöni. Eus gets in rasiert, oder ned.

S Einzige wo emmer döredröckt esch d Farb vo dim Innerschte. Vo dim Härz. Au wenns ganz verschede hell chan sy. Mer send es Ganzes us tuusig Teili. Met eusere eigete Gschecht.

Ond anhand vo eim Beld, einere Begägnig oder einere Ussag öper z beurteile esch öpe so, als wet mer s Bild vomene Puzzle errote, nochdem mer eis Teili agluegt hed.

För meh Toleranz ond Liebi. Öberall.

xxx Misch.